नागरिक रैबार/बाजुरा १० मंसिर।बाजुराको बुढीनन्दा नगरपालिका वडा नम्वर ५ मा शान्तिपूर्ण तरिकाले मतदान सम्पन्न भएको छ । यस अघि मंसिर ४ गते भएको निर्वाचनमा २८ जनाले मतदान गरिसकेपछि काँग्रेस र एमालेका कार्यकर्ताविच दोहोरो झडप भएपछि सो दिन मतदान स्थगित गरिएको थियो ।

बुढीनन्दा ५ मा कुल ९ सय ९९ मतदाता रहेका थिए भने आज पुनः मतदान हुदाँ ५सय ९७ मत खसालेको जिल्ला निर्वाचन कार्यालय बाजुराले जनाएको छ । निर्वाचन कार्यालयका अनुसार आज भएको मतदानमा ३ सय १२ महिला र २ सय ८५ पुरुषले मतदान गरेका हुन् ।

विज्ञापन