त्रिवेणी ७ घटना: चेतनको हत्या आरोपमा २२ जनाविरुद्ध किटानी जाहेरी दर्ता
समाचार
त्रिवेणी ७ घटना: चेतनको हत्या आरोपमा २२ जनाविरुद्ध किटानी जाहेरी दर्ता
नागरिक रैबार
मङ्लबार, मंसिर ६, २०७९
अ
अ
अ
नागरिक रैबार/बाजुरा ६ मसिर। बाजुराको त्रिवेणी नगरपालिकामा–७ मा मंसिर ४ मा ज्यान गुमाएका चेतन ऐडीको ‘हत्या’ आरोपमा किटानी जाहेरी दर्ता भएको छ । ऐडीको हत्या आरोपमा २२ जनाविरुद्ध किटानी जाहेरी दर्ता गरिएको बाजुराका डीएसपी सूर्यबहादुर थापाले बताएका छन् ।
मंसिर ४ मा निर्वाचन हुँदै त्रिवेणी–७ स्थित नाटेश्वरी मतदान केन्द्रमा चेतन मतदान प्रतिनिधि थिए । मतदान सकिएपछि कांग्रेसका कार्यकर्ताले घरमै गएर निर्घात कुटपिट गरेर उनको हत्या गरेको नेकपा एमालेका स्थायी समिति सदस्य कर्ण थापाले बताए ।
अनेरास्ववियुका सचिवालय सदस्य चेतनको अछामस्थित बयलपाटा अस्पतालमा त्यहि राति मृत्यु भएको हो । उनको शव अहिले अस्पतालमा छ । हत्यामा संलग्नलाई पक्राउ गरेर कानुनी दायरामा ल्याएपछि मात्र शव पोस्टमार्टम गरेर दाहसंस्कार गरिने एमालेका नेता थापाले बताए ।
विज्ञापन
निर्वाचनको दिन प्रहरीको गोली लागेर ज्यान गुमाएका सोही वडाका २६ वर्षीय सन्दिप ऐडीको पनि शव उठाइएको छैन् । सन्दिपको शव घटनास्थलमा नै रहेको बाजुराका प्रमुख जिल्ला अधिकारी प्रकाशचन्द्र अधिकारीले बताए । गोली लागेर मृत्यु भएका सन्दिप वडा नम्बर–९ स्थित रत्नावती माविमा कार्यरत शिक्षक मानबहादुर ऐडी छोरा हुन् ।
फेसबुक प्रतिक्रियाहरु