नागरिक रैबार
बाजुरा ४ कार्तिक
बाजुरामा भरूवा बन्दुक सहित एक जनालाई प्रहरीले पक्राउ गरेकाे छ । पक्राउ पर्नेमा त्रिबेणी नगरपालिका ७ कोट्टयारी बस्ने नया लुहार मिजार रहेका छन् ।
जिल्ला प्रहरी कार्यालय बाजुराका अनुसार मिजारले आफ्नो घर भित्र भरुवा बन्दुक लुकाई छिपाई राखेको छ भन्ने गोप्य सूचनाको आधारमा प्रहरी टोलीले पक्राउ गरेकाे हाे ।
मिजारकाे घरमा लुकाई छिपाई राखेको अबस्थामा भरुवा बन्दुक थान-१, बारुद आधा तोला, छर्राको रुपमा प्रयोग गरिने ढुङ्गाका टुक्रा १० गोटा सहित पक्राउ गरीएकाे र थप अनुसन्धान भइरहेको प्रहरीले जनाएको छ ।