नागरिक रैबार/बाजुरा ५ साउन। जिल्लाको बाजुराको स्वामीकार्तिक खापर गाउँपालिका वडा नं १ कि एक महिला बाटोमै सुत्केरी भएकि छन् । गाउँपालिकाको वडा नं. २ माझगाउँमा रहेको स्वास्थ्य चौकीमा स्वास्थ्यकर्मी नभए पछि मुक्तिकोट घर भएकि कार्तिका विकले बाटोमै सुत्केरी हुनु परेको छ । फयालगाउँ स्थित सामुदायीक स्वास्थ्य इकाई केन्द्रमा प्रसुती गराउने स्वास्थ्यकर्मी नहुँदा विकले बाटोमै सन्तान जन्माउनु परेको हो ।
स्वामिकार्तिक १ मुक्तिकोट कि ३५ बर्षिया कार्तिका विक स्वास्थ्य चौकि कर्मचारी नहुँदा घर फर्कदा बाटोमा बच्चा जन्माउन बाध्य भइन् । करार कर्मचारीको म्याद थप नहुँदाको परिणाम भएको गाउँपालिका बासीले बताएका छन् ।
सुत्केरी ब्यथा लागेकी उनलाइ आफन्तले गाउँ बाट एक घण्टाको दुरीमा रहेको स्वास्थ्य केन्द्रमा लगेका थिए । त्यहाँ स्वास्थ्यकर्मी नहुदा उनलाई फिर्ता ल्याएका थिए । घरमा ल्याउदै गर्दा ताहाडा खोला नजिकै बाटोमा छोरा जन्माएको स्थानिय बल बहादुर बिकले वताएका छन् । कार्तिका बिकको यो तेस्रो बच्चा रहेको छ ।
फेसबुक प्रतिक्रियाहरु