नागरिक रैबार/बाजुरा २८ असोज। नेकपा एकिकृत समाजबादी पार्टी निकट समाजवादी प्रेस संगठन बाजुराका अध्यक्ष महेश कार्कीले सो संगठन छोडेका छन् ।

प्रेस चाैतारी बाजुरामा आवद्द रहेका कार्की नेकपा बिभाजन पछि एकिकृत समाजबादी निकट समाजवादी प्रेस संगठन बाजुराका अध्यक्ष भएका थिए । उनले आज एक बिज्ञप्ती जारी गर्दै नेकपा एसमा नरहेको जनाएका छन ।

समाजवादी प्रेस संगठनको अध्यक्ष बनेकाे भएपनि सो संगठनमा सपथ समेत नखाएको र सो संगठनमा कहिल्यै नलागेको उक्त बिज्ञप्तीमा उल्लेख गरिएको छ ।

विज्ञापन

हिजो पनि समाजबादी नभएको र आज पनि समाजबादी नभएको सो बिज्ञप्तीमा उल्लेख गरिएको छ । उनले समाजबादी छाडेसंगै नेकपा एकिकृत समाजबादी पार्टीको सुभेच्छुक संगठन समाजबादी प्रेस संगठन नेतृत्व बिहिन बनेको छ । हिजो मात्रै नेकपा एकिकृत समाजवादीका बाजुरा अध्यक्ष गगन रावलले पार्टी छाडेर एमालेमा समाहित भएका थिए ।