नागरिक रैबार/बाजुरा ३१जेठ। बाजुरा जिल्ला बिपत ब्यबस्थापन समितिको आज बसेको बैठकले मनसुनजन्य बिपत प्रभाबित १ सय ६८ परिवारलाई पुन निर्माण तथा अस्थाई आवास निर्माण गर्न पहिलो किस्ता बापतको रकमकाे अनुमाेदन गरिएकाे छ । अघिल्लो बर्षको कार्तिकमा आएको अबिरल बर्षाका कारणले बिस्तापित १ सय ६८ परिवारलाई पहिलो किस्ता बाफत एक करोड २६ लाख रुपैया खर्चकाे बैठकले अनुमोदन गरेको छ ।

मनसुनजन्य बिपतबाट बाजुरा जिल्लाका १ सय ६८ परिवार बिस्तापित भएका थिए । जसमा बुढिगंगा नगरपालिकाका ५९ परिवार, स्वामिकार्तिक खापर गाउँपालिकाका २१ र हिमाली गाउँपालिकाका ८८ जना गरी १ सय ६८ परिवारलाई पहिलो किस्ता रकम उपलब्ध गराउने निणर्य गरेको जिल्ला प्रशासन कार्यालय बाजुराले जनाएको छ ।

जिल्ला बिपत ब्यबस्थापन समिति समितिले बर्षाको समय सुरु भए संगै हुन सक्ने बिपतलाई कम गर्न लागि बिभिन्न निणर्य गरेको छ । बिपत ब्यबस्थापन समितिका संयोजक प्रमुख जिल्ला अधिकारी प्रकाश चन्द अधिकारीको अध्यक्षतामा बसेको बैठकले बिभिन्न निणर्य गरेको हो ।
जिल्ला प्रशासन कार्यालयमा मंगलबार बसेको बैठकले साफेँ मार्तडी सडक अन्तरगत बल्दे देखी अम्कोट सम्मको सडकको दिर्घकालीन बनाउने योजनाका बारेमा पनि निणर्य गरिएको जिल्ला बिपत ब्यबस्थापन समितिले जनाएको छ ।

विज्ञापन