नागरिक रैबार/बैशाख ३० बाजुरा । बाजुरा जिल्लामा स्थानीय तह निर्वाचन अन्तर्गत मतदान सुरु भएको छ। नगरपालिकाको प्रमुख, उपप्रमुख तथा गाउँपालिकाको अध्यक्ष, उपाध्यक्ष, वडा अध्यक्ष र वडा सदस्य पदका लागि मतदान सुरु भएको हो।

विहान ७ बजेदेखि नै जिल्लाका ९ वटै स्थानीय तहका १ सय १२ वटा मतदान केन्द्रमा मतदान सुरु गरिएको जिल्ला निर्वाचन कार्यालय बाजुराले बताएको छ ।

विज्ञापन

बाजुरामा ८२ हजार ६ सय ९० जना मतदाता रहेका छन् । निर्वाचन सम्पन्न गर्न जिल्लाभर १५ सय बढी सुरक्षाकर्मी परिचालन गरिएको छ । मतदान गर्न जिल्लाभरका मतदान केन्द्रमा मतदाताको उल्लासपूर्ण सहभागिता भएको छ ।