नागरिक रैबार/बाजुरा २९ चैत्र। बाजुरा जिल्लामा आगामी बैशाख ४ गते देखि ८ गतेसम्म टाइफाइडविरुद्धको (कन्ज्युगेट भ्याक्सिन) खोप लगाइदै छ ।

देशभरी चैत २५ देखि वैशाख १८ गतेसम्म ( २४ दिन) खोप अभियान सञ्चालन गर्ने तयारी भए अनुसार बाजुरामा पनि बैशाख ४ गते देखी ८ गते सम्म खोप लगाइने स्वास्थ्य कार्यलय बाजुराले जनाएको छ ।

सोही खोप अभियान अन्तरगत बडीमालिका नगरपालिका वडा नं. ९ मा स्वास्थ्य स्वंय सेविका र शिक्षक विच छलफल गरिएको छ ।वडामा रहेका १५ महिना देखि १५ वर्ष मुनिका बालवालिकालाई टाईडफाईड रोग विरुद्धको खोप लगाउने बारे छलफल गरिएको छ ।

विज्ञापन

वडामा रहेका बालवालिकालाई मध्येनजर गरेर वडामा बैशाख ४ देखि ६ गतेसम्म खोप लगाईने बारे छलफल भएको बडीमालिका ९ का वडा अध्यक्ष लालचन्द नेपालीले बताएका छन् ।

उहाँका अनुसार टाईडफाईड विरुद्धको खोप क्रेटर जोन एकेडेमी र मष्टेश्वरी आधारभुत विद्यालय चौराटामा समेत लगाईने छ । जस अनुसार वडामा १४३८ जना बालवालिकालाई खोप लगाउने कार्यक्रम रहेको छ ।

वडामा भएको खोप अभियान सम्वन्धि छलफलमा ९ का वडा अध्यक्ष लालचन्द नेपाली, शहरी स्वास्थ्य केन्द्र प्रमुख विरेन्द्र बहादुर विष्ट, द्धावारीका प्राविका प्रअ अमर विश्वकर्मा, क्रेटर जोनका डव्वल हमाल लगायत स्वास्थ्य स्वंय सेविकाको सहभागिता रहेको थियो ।