नागरिक रैबार/बाजुरा २८ बैशाख । बाजुरा सदरमुकाम समेत रहेको मार्तडी बजार सुनसान बनेको छ । स्थानीय तहको निर्बाचान आउन २ दिन बाँकी रहेपछि सदरमुकाम मार्तडीमा विभिन्न व्यवासाय गर्दै आएका मतदाताहरू सदमुकाम छाेडेर मत खसाल्न गाउँतिर गएपछि सदरमुकाम मार्तडी सुनसान बनेको हो ।

सदरमुकाम मार्तडीमा रहेकाे बडीमालिका नगरपालिका वडा नम्बर ८ र ९ का मतदाताबाहेक अन्य सवै मतदाताहरू गाउँमा गएका छन् ।
सदरमुकाममा मार्तडी बजारमा स्थानिय भन्दा बढि ब्यापारी र मतदाताहरू सदरमुकाम बाहिरका रहेकाले चुनावकाे मिति नजिकिएसंगै सबै गाउँ तिर गएपछि सदरमुकाम सुनसान बनेको छ । अधिकांस ब्यापारीहरु मंगलबार देखी नै होटल पसल बन्द गरेर मतदान गर्न गाउँ गईसकेका छन ।

बुधबार बिहान छुटपिट खोलीएका होटल पसलहरु पनि बन्द गरेर गईसकेका देखिन्छन। वैशाख ३० गते हुन लागेको स्थानीय तहको निर्वाचनका लागि मार्तडी छाडेर घर जानेहरूको लर्को लागेको छ । जिल्ला बाहिर र जिल्लाका बिभिन्न गाउँमा जाने मानिसहरू धमाधम फर्किन थालेका हुन् ।

विज्ञापन

५ वर्षपछि स्थानीय तहको निर्वाचनमा भोट हाल्न जाने मतदाताहरू उत्साहित देखिन्छन् । गाउँ फर्किनेहरूको संख्या बढिरहेकोले सवारीहरूमा सर्वसाधारण खचाखच भरिएका छन् ।
सदरमुकाम मार्तडीबाट कोल्टी सम्म जान पनि महगोँ भाडा तिरेर मतदान गर्न जाने गरेको खुल्नमा आएको छ । मार्तडी कोल्टी सडक ४२ किलोमिटरमा प्रति ब्यक्ती २ हजार रुपैँया तिरेर भए पनि मतादन गर्न गाउँमा जाने गरेको पाईएको छ । कतिपय गाडीहरु उम्मेदवारहरुले नै बुक गरेर लिने गरेकाे पाइएकाे छ ।