धनगढीः धनगढीमा घरमै राखिएको ट्याक्टरमा आगजनी भएको छ। धनगढी उपमहानगरपालिका ६ जालीमा घरको आगनमा राखिएको ट्याक्टरमा आगजनी गरिएको हो।
मंगलबार राति करण चौधरीको घर अगाडि पार्किङ गरिएको ट्याक्टरमा अज्ञात मान्छेले आगजनी गरेको प्रहरीले जानकारी दिएको छ। प्रहरीका अनुसार नयाँ ट्याक्टर जलेर केही पार्टहरु नष्ट भएका छन्।
राति आगजनी भएको देखेपछि छिमेकी र स्थानीयले आगो निभाएका थिए। यता जिल्ला प्रहरी कार्यालय कैलालीले भने घटनाको अनुसन्धान भइरहेको बताएको छ।
फेसबुक प्रतिक्रियाहरु