२६ वैशाख, जुम्ला । हिमा गाउँपालिकामा दश दिनदेखि अवरुद्ध भएको टेलिफोन सेवा सञ्चालनमा आएको छ । टेलिफोन सेवा सञ्चालनमा आएको नेपाल टेलिकम जुम्लाका प्रमुख रामचन्द्र श्रेष्ठले जानकारी दिए ।
उनका अनुसार हिमा रहेको टेलिफोन टावरको हर्न भन्ने सामग्री क्षति भएपछि काठमाडौंबाट सामग्री ल्याएर जोडिएको छ ।
प्रमुख श्रेष्ठका अनुसार अहिले त्यहाँ क्षमता बढाइएको छ । आजदेखि प्रभावकारी रुपमा टेलिफोन लागेको छ । एक पटकमा त्यस क्षेत्रमा ८० जनाले चलाउने क्षमता थियो भने अब दोब्बर भएको छ ।
विज्ञापन
हिमा गाउँपालिका निर्वाचन अधिकृत रितु राईका अनुसार टेलिफोन आएपछि काममा सजिलो हुने भएको छ । टेलिफोन विहिन हुदा निर्वाचनकै नजिक कसरी काम गर्ने डर थियो ।
हिमामा टेलिफोन सञ्चालन भएको प्रमुख जिल्ला अधिकारीलाई समेत जानकारी दिएको बताए । उनले टेलिफोन लामो समय नबन्दा निर्वाचनमा कठिन हुने भन्दै निर्वाचन आयोगलाई समेत पत्र पठाउने तयारी गरेको थियो ।
फेसबुक प्रतिक्रियाहरु