नागरिक रैबार/बाजुरा १६ पुुुस।जिल्लाको बडीमालिका नगरपालिका ९ का प्रेम थापा बेपत्ता भएका छन् । बाजुराको बडीमालिका ९ घर भई हाल धनगढी बस्दै आएका ४२ वर्षिया थापा बेपत्ता भएका हुन् । थापा घरबाट एक जोड लुगा र मोबाइल बाहेक केहि नलिइ सम्पर्क विहिन भएको उनकी श्रीमति गंगा थापाले बताएकि छन् ।
थापाकी श्रीमतिका अनुसार पुस १२ गते विहान ५ बजे घरबाट निस्किएका प्रेम थापा बेलुका बिरगंज छु भनि खबर भएको र राति ७ बजे बाट मोबाइल स्विच अफ भएको र आजसम्म सम्पर्क विहिन भएका छन् ।
प्रहरी प्रसासन खबर गर्दा पनि कहि बाट पत्ता नलागे पछि भारत तिर छिरेको आसंका पारिवारिक श्रोतको छ । बाजुरा बाट कैलालीमा बसाइ सराइ गरेर व्यापार व्यवसाय गर्दै आउनु भएका थापा एकाएक सम्पर्क विहिन भएपछि परिवार चिन्तित बनेका छन् । बेपत्ता भएका थापाको खोजी गर्नका लागि उनका परिवारले प्रहरीसहित विभिन्न ठाउँमा आग्रह गरेका छन् ।
फेसबुक प्रतिक्रियाहरु