लोकस्टार प्रतिष्पर्धी पविन्द्र सुनारको दोस्रो गीत सार्वजनिक (भिडियोसहित)
समाज
लोकस्टार प्रतिष्पर्धी पविन्द्र सुनारको दोस्रो गीत सार्वजनिक (भिडियोसहित)
नागरिक रैबार
सोमवार, जेष्ठ १७, २०७८
अ
अ
अ
नागरिक रैबार/बाजुरा १७ जेठ। नेपाल लोकस्टारका टप ५ प्रतिस्पर्धी पविन्द्र सुनारको स्वरमा दोस्रो गित सार्वजनिक भएको छ । गीतमा पविन्द्र सुनारसंगै विशाखा शाही ठकुरीले स्वरमा साथ दिएकि छिन् ।
बाजुराको बुढीनन्दा नगरपालिकामा जन्मेका सुनारको सानै देखिको गायक बन्ने सपना थियो । उनले लोक स्टारमा आफ्नो गायकि क्षमतालाइ बलियो बनाउँदै टप ५ सम्म पुग्न सफल भएका थिए । उनले यस यघि चर्चित गायिका मेलिना राईसँगै आफ्नो स्वरमा पहिलो गित ‘दिन्छौकी मायाले’ बजारमा ल्याइसकेका छन् ।
सुनार र शाहीको स्वरमा ‘एक्लै पारी गयौनि’ नामको गीतको भिडियो सोमबार विहान मात्रै सार्वजनिक भएको छ ।चर्चित सिंगिङ रियालीटी सो नेपाल लोकस्टारको सिजन वानमा गायक पविन्द्र टप ५ मा पर्न सफल भएका थिए । लामो समय देखि गितको तयारीमै रहेका पविन्द्रको स्वरमा बजारमा आएको यो दोस्रो गित हो ।
विज्ञापन
सर्जक राजेन्द्र शाह विपिको शव्दमा तयार भएको यस गितमा गायक तथा संगितकार विनोद बाजुरालीकोे एरेन्ज/लय र मिक्सिङ मास्टरिङ गरेका छन् । गितलाई मालश्री रेकर्डिङ स्टुडियोबाट रेकर्ड गरिएको हो ।
देवराज आचार्यले छायाकंन गरेका छन् भने गितलाई विकास ज्ञवालीले सम्पादन गरेका हुन् । गीतको भिडियोको छायांकन मालश्री स्टुडियो भित्रै गरिएको छ । गितलाई आज (सोमबार) शुभारम्भ डिजिटल म्युजिक युट्युब च्यानल मार्फत सार्वजनिक गरिएको छ ।
फेसबुक प्रतिक्रियाहरु