काठमाडौँ — एभीसी सिनियर वुमेन्स सेन्ट्रल जाेन भलिबलमा लगातार चौथो जितपछि नेपाल फाइनल पुगेकाे छ ।बंगलादेशकाे ढाकामा जारी प्रतियोगिताकाे आफ्नाे चाैथाे खेलमा साबिक विजेता नेपालले उज्वेकिस्तानलाई ३-० काे सेटमा पराजित गरेकाे हाे । नेपालले २५-२०, २५-२३ र २५-१४ काे सेटमा विजय हासिल गरेकाे हाे ।

याे जितपछि नेपाल राउन्ड रोबिन लिग चरणको शीर्ष स्थानमा पुगेको छ । नेपालकाे ४ खेलबाट ११ अंक भएको छ । श्रीलंका समान खेलबाट १० अंकसहित दोस्रो र उज्वेकिस्तान ९ अंकसहित तेस्रो स्थानमा छन् ।

नेपालले समूह चरणको अन्तिम खेलमा साेमबार किर्गिस्तानसँग खेल्नेछ । साे खेल अघि नै नेपालले फाइनलमा स्थान सुरक्षित गरेको हो । समूहकाे अन्तिम खेलमा श्रीलंका र उज्बेकिस्तान खेल्दैछन् ।

विज्ञापन