नागरिक रैबार/बाजुरा ५ मंसिर । कालिकोट जिल्लाको पताला गाउँपालिका वडा नं. ९ ले आयोजना गरेको पैठमेला फुटवल कपको उपाधि बाजुरा जिल्लाले हात पारेको छ ।

आईतबार सम्पन्न भएको फाईनल खेलमा एलजि वाईसी क्लवलाई १-० गोल अन्तरले पराजित गर्दै बाजुरा जिल्लाले खेलको उपाधि जितेको हो ।

प्रतियोगिता मंसिर १ गतेबाट कालिकोट जिल्लाको पताला गाउँपालिका वडा नं. ९ स्थित सत्यवादी विद्यालयको प्राङ्गणमा भएको थियो ।

विज्ञापन

प्रतियोगिताको फाईनल खेलमा बाजुरा जिल्लाको तर्फबाट खेलाडी मान विष्टले १ गोल गरेर खेलको विजेता बाजुरा जिल्ला बनेको टिम कोच भरत राेकायाले बताएका छन् ।

प्रतियोगितामा प्रथम भएको बाजुरा जिल्लालाई नगद पुरस्कार ५५ हजारसहित कप, मेडल प्रमाणपत्र प्रदान गरिएको थियो ।

त्यस्तै खेलको उपविजेता बनेको कालिकोटको एल वाईसीलाई ३० हजार नगदसहित कप, मेडल र प्रमाणपत्र प्रदान गरिएको थियो । पाँच दिन सम्म संचालन भएको उक्त प्रतियोगितामा बाजुरासहितका गरी ८ टिम सहभागि भएका थिए ।