प्रधानमन्त्री देउवाविरुद्ध ओली र ठाकुर एउटै कित्तामा, ठाकुर पक्षको बैठक बस्दै
राजनीति
प्रधानमन्त्री देउवाविरुद्ध ओली र ठाकुर एउटै कित्तामा, ठाकुर पक्षको बैठक बस्दै
नागरिक रैबार
शनिबार, साउन २, २०७८
अ
अ
अ
काठमाडौं, २ साउन । नेकपा (एमाले) र जनता समाजवादी पार्टी, नेपालको महन्थ ठाकुर समूह एउटै कित्तामा उभिने भएका छन् । कांग्रेस सभापति शेरबहादुर देउवा प्रधानमन्त्रीमा नियुक्त भएपछिको परिवर्तित राजनीतिक अवस्थामा पनि एमाले अध्यक्ष केपी शर्मा ओली र जसपा अध्यक्ष ठाकुरबीच सहकार्य हुने भएको हो । यसअघि जसपाको ठाकुर पक्ष ओली सरकारमा सहभागी समेत भएको थियो ।
तर, सर्वोच्च अदालतले मन्त्रीहरुलाई जिम्मेवारीबाट मुक्त गरिदिएकोले जसपा सरकारबाट बाहिरिनुपरेको थियो । देउवा प्रधानमन्त्री भएलगत्तै सबैलाई समेटेर अघि बढ्ने बताएका थिए । तर, परिस्थिति उनले भनेअनुसार छैन् । एमालेले हिजै स्थायी कमिटी र संसदीय दलको बेग्लाबेग्लै बैठक राखेर देउवा सरकारको विपक्षमा उभिने बताईसकेको छ । एमालेले प्रधानमन्त्री देउवालाई विश्वासको मत पनि नदिने निर्णय गरिसकेको छ ।
उता, जसपाको ठाकुर पक्ष पनि देउवा सरकारको विपक्षमा उभिने भएको छ । आज उक्त समूहको कार्यकारिणी समिति र संसदीय दलको बैठक बस्दैछ । ती बैठकले यसबारेमा निर्णय गर्ने एक नेताले जानकारी दिए । ठाकुर पक्ष देउवाप्रति अनुदार बन्दै आएको छ। बरु, निवर्तमान प्रधानमन्त्री ओलीले आफुहरुका माग पूरा गर्नको लागि आवश्यक कदम चालेको भन्दै ओलीकै कित्तामा उभिने ठाकुरको निश्कर्ष छ । यसअघि ठाकुरनिकट नेता लक्ष्मणलाल कर्णले पनि देउवालाई विश्वासको मत नदिने घोषणाा गरिसकेका छन् । उनले देउवालाई विश्वासको मत दिनको लागि ‘के हामी बौलाएका छौं र ?’ भन्ने टिप्पणी गरेका थिए ।
फेसबुक प्रतिक्रियाहरु