नेपालमा कोरोना संक्रमणबाट थप १६८ जनाको मृत्यु भएको छ । पछिल्लो २४ घण्टामा कोरोना संक्रमणबाट थप १६८ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
बुधबार देशभर ९३०५ जनामा कोरोना पुष्टि भएको प्रवक्ता गौतमले बताए । उनका अनुसार काठमाडौं उपत्यकामा मात्रै ३९ सय २४ जना कोरोना संक्रमित थपिएका छन् ।
पछिल्लो २४ घण्टामा काठमाडौंमा ३२५०, ललितपुरमा ४४८ र भक्तपुरमा २२६ जनामा कोरोना पुष्टि भएको उनले बताए । यस्तै, पछिल्लो २४ घण्टामा कोरोना संक्रमणमुक्त भएर ४ हजार ४ सय ४४ जना डिस्चार्ज भएका छन् ।
फेसबुक प्रतिक्रियाहरु