नेपाल कम्युनिस्ट पार्टी (नेकपा) दुई धु्रबमा बाँडिएपछि जिल्लामा पनि यसको असर ठुलै देखिएको छ । जिल्लामा केपी शर्मा ओली र प्रचण्ड–नेपाल पक्षका नेता कार्यकर्ताहरुको छुट्टा छुट्टै समुह देखिन थालेका छन् ।

नेकपाको केन्द्र विवादका कारण जिल्ला पार्टी कार्यालयमा छुट्टाछुट्टै खेमाको आ–आफ्नो ताला झुन्ड्याइएको छ । शुक्रबार पार्टी कार्यालयमा नियमित लगाउँदै आएको तालामाथि प्रचण्ड–नेपाल पक्षाका कार्यकर्ताले थप ताला लगाएको भन्दै शनिबार ओली पक्षका केही युवाहरुले अर्काे ताला लगाएको प्रत्यक्षदर्शीको भनाइ छ ।

तत्कालीन समयमा पार्टी एकतापछि संयुक्त कार्यालय सञ्चाललन गर्दै आएका नेता कार्यकर्तामा पार्टी कार्यालय कसको हुने भन्ने बिबाद छ ।