नागरिक रैबार/बाजुरा १६ जेठ। जनता समाजबादी पार्टी सुदूरपश्चिम प्रदेश कमिटी सदस्य तथा बाजुराका युवा नेता धनबहादुर बुढाको काठमाण्डौंमा मृत्यु भएको छ ।

विहिबार काठमाडौंको बालाजुमा मिनिट्रक र स्कुटर ठोक्किदा जनता समाजवादी पार्टी शुदुरपश्चिम प्रदेश सदस्य तथा बाजुरा युवा नेता २५ बर्षका धन बहादुर बुढाको मृत्यु भएको हो । उनि सँगै बझाङका २२ वर्षका लोकेन्द्र विष्टको पनि मृत्यु भएको छ ।

बिहीबार राति गोगंबुबाट बालाजुका लागि छुटेको बा २ ख ५४८४ नम्बरको मिनिट्रकसँग ना ६५ प २००१ नम्बरको स्कुटर ठोक्किँदा दुई जनाको ज्यान गएको महानगरीय ट्राफिक प्रहरी महाशाखाले जनाएको छ ।

विज्ञापन

घाइते भएका बुढाको ट्रमा सेन्टरमा र विष्टको त्रिवि शिक्षण अस्पताल महाराजगन्जमा उपचारको क्रममा राति नै ज्यान गएको हो । मिनिट्रकका चालकलाई प्रहरीले पक्राउ गरेको छ। मृतक युवा नेता २५ बर्षका धन बहादुर बुढा सदरमुकाम मार्तडीमा ईटा ब्यबसाय सञ्चालन गर्दै आएका थिए ।