नागरिक रैबार/बाजुरा १७ फागुन। बडीमालिका नगरपालिका ७ स्थित पोरखे लेख नजिकैको जंगलमा मृत अवस्थामा एक चितुवा फेला परेको छ ।

शनिबार विहान स्थानीयहरुले जंगलमा चितुवा मृत अवस्थामा फेला परेको प्रहरीलाई खवर दिएपछि जिल्ला प्रहरी कार्यालय बाजुरा र वन डिभिजन कार्यालयका कर्मचारीको टोली टोली मृत चितुवाको उद्धार गर्न पठाईसेको जिल्ला प्रहरी कार्यालय बाजुराका प्रहरी नायव उपरिक्षक टंकप्रसाद भट्टराइले जानकारी दिएका छन् ।

मृत अवस्थामा भेटिएको चितुवा आधा भाग नभएको र मृत चितुवाको घटना स्थलमै पुगेर मुचुल्का तयार गरी आजै डिभिजन वन कार्यालय बाजुरामा ल्याउने तयारी भईरहेको डिएसपी भट्टराईले बताउनु भयो ।

विज्ञापन

मृत अवस्थामा भेटिएको चितुवा चोरीसिकारीले थापेको पासोमा परेर मरेको हुन सक्ने वन डिभिजन कार्यालय बाजुराका वन अधिकृत भिम प्रसाद कंडेलले बताए । मृत अवस्थामा भेटिएको चितुवा जिल्ला सदरमुकाम मार्तडीमा ल्याई परीक्षण गरेपछि डिभिजन वन कार्यालय बाजुरा परिसरमै गाढिने भएको छ ।