रुकुमपश्चिम जीप दुर्घटना : मृतकको संख्या पाँच पुग्यो
देश/प्रदेश
रुकुमपश्चिम जीप दुर्घटना : मृतकको संख्या पाँच पुग्यो
नागरिक रैबार
शनिबार, मंसिर १३, २०७७
अ
अ
अ
रुकुमपश्चिमको आठबीसकोट नगरपालिका- ७, दाजेमा शुक्रबार राति भएको जीप दुर्घटनामा मृत्यु हुनेको संख्या पाँच पुगेको छ ।
दुर्घटनामा घाइते भएका एक जनाको शनिबार बिहान मृत्यु भएसँगै दुर्घटनामा परी मृत्यु हुनेको संख्या पाँच पुगेको हो ।
दुर्घटनामा परी गम्भीर घाइते आठबीसकोट- ८, का ५८ वर्षीय लालबहादुर नेपालीको शनिबार बिहान उपचारका क्रममा मृत्यु भएको जिल्ला प्रहरी कार्यालय रुकुमपश्चिमका प्रहरी प्रमुख ठगबहादुर केसीले जानकारी दिए ।
विज्ञापन
नेपालीलाई थप उपचारका लागि नेपालगञ्ज लैजाँदै गर्दा बाटोमा नै मृत्यु भएको जिल्ला प्रहरी कार्यालय रुकुमपश्चिमले जनाएको छ ।
जीप चालक डिल्लीबहादुर नेपाली भने दुर्घटनापछि फरार भएका छन् । उनको खोजी भइरहेको जिल्ला प्रहरी कार्यालय रुकुमपश्चिमले जनाएको छ ।
फेसबुक प्रतिक्रियाहरु