नेकपा प्रचण्ड-नेपाल समूहका स्थायी कमिटी सदस्य भीम रावलले प्रधानमन्त्री केपी ओलीले पार्टीको झण्डा कुल्चिएको आरोप लगाएका छन् । आइतबार धनगढीमा भेला भएका कार्यकर्तासँग नेता रावलले भने, ‘केपी ओलीले नेपाली जनताको स्वाभिमानमाथि आँच पुर्याउने काम गरेका छन् ।’
सात दशक लामो पार्टीको इतिहास कुल्चिन खोज्नेहरू परास्त हुने जिकिर उनले गरे । ‘एमाले र माओवादी केन्द्रबीचको एकता घोषणापत्रमा हस्ताक्षर गर्ने ओलीले विश्वासघाट गरे । त्यो दिन केपी ओलीलाई सम्झना छ कि छैन् ?’, रावलले प्रश्न गरे ।
ओलीले नै नेपालका कम्युनिस्ट शक्तिलाई छिन्नभिन्न पार्न खोजेको रावलको आरोप छ । ‘हामी पार्टी एकता टुंगिन्छ भनेर आम नेता, कार्यकर्तालाई विश्वस्त पार्ने प्रयासमा थियौँ । ओली भने कम्युनिस्टहरूलाई फुटाएर शक्तिमा रहिरन उद्यद देखिए ।
विज्ञापन
संसद विघटन गरेर ओलीले देश र जनतालाई धोका दिएको रावलको टिप्पणी छ । आफूहरूले वर्तमान सरकारलाई साथ नदिएको भन्नु हाँस्यास्पद भएको उनले बताए ।
प्रचण्ड-नेपालका अन्य नेताले जस्तै उनले पनि ओली समूहलाई ‘चोइटिएको सानो गुट’को संज्ञा दिए ।
फेसबुक प्रतिक्रियाहरु