कोरोना जितेर बागलुङकी १९ वर्षीया युवती ‘डिस्चार्ज’
समाचार
कोरोना जितेर बागलुङकी १९ वर्षीया युवती ‘डिस्चार्ज’
नागरिक रैबार
शनिबार, बैशाख १३, २०७७
अ
अ
अ
काठमाडौं- कोरोना भाइरसलाई जित्दै बागलुङकी १९ वर्षीया युवती अन्सु सापकोटा शुक्रबार राति अस्पतालबाट डिस्चार्ज भएकी छन् ।
बागलुङ नगरपालिका ४, कुँडुलेकी उनलाई अस्पतालले शुक्रबार राति १० बजेतिर डिस्चार्ज गरेको हो ।
उनी नेपालकी पाँचौ संक्रमित हुन् । उनीसँगै नेपालमा कोरोनालाई जितेर अस्पतालबाट डिस्चार्ज हुनेको संखया ११ पुगेको छ ।
विज्ञापन
धौलागिरी अञ्चल अस्पतालको आईसोलेसनमा उपचाररत बागलुङकी १९ वर्षीया युवतीको छैठौं पटक गरिएको थ्रोट स्वाव परीक्षणको नतिजा नेगेटिभ आएसँगै अस्पतालले उनलाई आज डिस्चार्ज गरेको हो ।
लगातार दुई पटक (पाँचौ र छैठौं) रिपोर्ट नेगेटिभ आएपछि कोरोना संक्रमण सकिएको र उनी पूर्णरुपमा निको भएको धौलागिरी अञ्चल अस्पतालका सूचना अधिकारी तिर्थराज गौतमले जानकारी दिए ।
बिहीबार पाँचौ रिपोर्ट नेगेटिभ आएसँगै छैठौं पटक शुक्रबार स्वाब परीक्षणको लागि प्रादेशिक जनस्वास्थ्य प्रयोगशाला पोखरा पठाइएको थियो । उक्त परीक्षणको रिपोर्ट नेगेटिभ आएको सूचना अधिकारी गौतमले जानकारी दिए ।
चैत ४ गते बेल्जियमबाट कतारको दोहा ट्रान्जिट भएर नेपाल आएकी उनलाई चैत १५ गते कोरोना संक्रमण रहेको पुष्टि भएको थियो । उनकाे अवस्था सामान्य रहेको अस्पतालका निमित्त मेडिकल सुपरिटेण्डेन्ट शैलेन्द्र वि. पोखरेलले बताए ।
उनी अस्पतालबाट डिस्चार्ज भए पनि २ हप्ता होम क्वारेन्टाइनमै बस्नुपर्ने अस्पतालले जनाएको छ ।
यस अगाडि ती युवतीसँगै बेल्जियमबाट आएकी बानपा–३ गौडाकोटकी ६५ बर्षिय मनकुमारी पौडेलले कोरोनालाई जितेर ६ बैशाखमा घर फर्किएकी थिइन।
चैत्र १५ गतेदेखि अस्पतालकाे आसाेलेसनमा उपचाररत उनले काेराेना जित्नुमा आत्मविश्वास, धैर्यता र सन्तुलित खाना भएकाे बताइन् ।
उनले भनिन्, ‘आत्मबल नै सबैभन्दा ठूलो औषधी रहेछ, हिम्मत नहारे कोरोनालाई जित्न सकिन्छ ।’
फेसबुक प्रतिक्रियाहरु