नागरिक रैबार/बाजुरा ७ मंसिर। जिल्लाकाे सदरमुकाम मार्तडीमा चरेश जस्तो देखीने शंकास्पद कालो पदार्थ सहित एक महिला पक्राउ परेकी छन् । मंगलबार दिउसो  सदरमुकाम मार्तडी बजारबाट ५ सय ग्राम चरेश जस्तो देखिने कालो पदार्थ सहित एक महिलालाई पक्राउ गरेको जिल्ला प्रहरी कार्यालय बाजुराले जनाएको छ ।
प्रहरी प्रमुख मदनजित महराका अनुसार पक्राउ पर्नेमा गौमुल गाउँपालिका वडा न १ घर भई हाल बडिमालिका नगरपालिका–८ मार्तडीमा किराना पसल संचालन गरीरहेकी ४९ वर्षिया मैना रोकाया रहेकी छन् ।
गोप्य सुचनाका आधारमा उनको पसलमा रहेको स्टिलको बाकस भित्र लुकाइ छिपाई राखेको अबस्थामा पक्राउ गरेको उनको थप अनुसन्धन भइरहेको प्रहरीको भनाई रहेको छ ।