नागरिक रैबार/बाजुरा ५ पुस। बाजुराका महिलाहरुलाई आयआर्जनमा टेवा पुर्याउने उद्देश्यले सदरमुकाम मार्तडीमा ७ दिने अचार बनाउने सम्वन्धि तालिम सुरु गरिएको छ ।
घरेलु तथा साना उद्योग कार्यालय र आईएन एफ नेपालको सहयोग तथा आयोजनामा यहाँका १५ जना महिलाहरुलाई ७ दिने अचार बनाउने तालिमको सूरु गरिएको हो ।
तालिम गत पुस २ गतेबाट संचालन गरिएको थियो । तालिममा बडीमालिका, बुढीनन्दा, त्रिवेणी, बुढीगंगा नगरपालिका र खप्तड छेडेदह र गौमुल गाउँपालिकाका गरि १५ जना महिला सहभागि रहेका छन् । तालिमको प्रशिक्षण पार्वति महराले गरिरहेकी छन् ।
विज्ञापन
घर वरपर सहजै पाईने लप्सी, काँक्रो, अमला, चोतो, करेला, आप, मुला गाजर लगायतका अचारका परिकारहरु बनाउने तालिम दिइएको घरेलु तथा साना उद्योग कार्यालय बाजुराले बताएको छ । महिलाहरुलाई ७ दिन सम्म दिइने तालिमले उनीहरुले सहजै अचार बनाउन सक्ने आयोजक आईएन एफ नेपालले आशा लिएको छ ।
तालिममा आफ्नै हातले अचार बनाउने अभ्यास गरिएकाले घरमै अव जुनसुकै प्रकारको पनि अचार बनाउन सक्ने भएको दिदि बहिनी उद्यमशिल समूह मार्तडी अध्यक्ष कमल कुमारी शाहले बताईन् ।
तालिममा स्वादका लागि विभिन्न खालका मसलाको मात्रा राख्ने तरिका, अचारका लागि तरकारीको कटान गर्ने तरिका, अचारको गुण गुम्न नदिन अपनाउने तरिकाका बारेमा समेत सिकाई भईरहेकोले महिलाहरुले यसलाई व्यवसायिक रुपमा समेत सञ्चालन गर्न सजिलो हुने तालिममा सहभागि कल्पना महतले बताईन् ।
अचार बनाउने तालिम पश्चात महिलाहरुलाई व्यवसाय सञ्चालन गर्न सहज हुने तालिमम सहभागि महिलाहरुले बताएकि छन् ।
फेसबुक प्रतिक्रियाहरु