नागरिक रैबार/बाजुरा २४ भदाै । बाजुरा जिल्लामा सरकारी कार्यालयमा कार्यरत एक जनामा कोरोना पोजेटिभ देखिएको स्वास्थ्य कार्यालय बाजुराले जनाएकाे छ । स्वास्थ्य कार्यालय बाजुराले गत आइतबार जिल्लास्थित कर्मचारी, पत्रकार, सुरक्षाकर्मी राजनीतिक दल र नागरिक समाजका गरी २ सय ५६ जनाको स्वाव सकलन गरेर धनगढी पठाएको थियो ।
स्वाव सँकलन गरेका २ सय ५६ जना मध्ये २ सय ५३ जनाको बुधबार विहान कोरोना रिपोट नेगेिटभ आएको र बाँकी रहेका ३ जनाको रिपोट बुधबार दिउसो आउँदा १ जना कर्मचारीमा कोरोना देखिएको स्वास्थ्य कार्यालय बाजुराले जनाएको छ ।
कोरोना देखिएका कर्मचारी स्वाव सँकलन पछि धनगढी तिर गएको र सँक्रमित कर्मचारीको कार्यालयमा खबर गरेर उनलाइृ धनगढीकै आइसोलेसनमा राखिने स्वास्थ्य कार्यालय बाजुराले जनाएको छ ।
फेसबुक प्रतिक्रियाहरु