नागरिक रैबार/बाजुरा १२ असोज।
वर्षातका कारण आसिंक रुपमा बन्द भएको मार्तडी– गौमुल ग्रामिण सडक संचालनमा आएको छ । पहिरोका कारण आसिंक रुपमा अवरुद्ध बनेको सो सडक मर्मत गरिएपछि शनिबारबाट नियमित संचालनमा आएको हो ।
सडक खुलेसँगै सदरमुकाम मार्तडीको ठुलीसाँगु खोलादेखि गौमुलको घट्मुना सम्मको सडक संचालनमा आएपछि आवत जावत गर्न सजिलो भएको बडीमालिका २ का स्थानीय नृप विकले बताएका छन् ।
सडक संचालनमा आएपछि दैनिक जीप सेवा र मालबहाक ट्याक्टरहरु संचालनमा आएका छन् ।वर्षातको समयमा सडक अवरुद्ध भएपछि बडीमालिका १, २ र गौमुल गाउँपालिकाका स्थानीयहरुलाई दैनिक आवत जावतमा समस्या भएको थियो ।
विज्ञापन
पुर्वाधार विकास कार्यालय अछामकाे पहलमा सडकमा डोजर लगाएर खसेको पहिरोलाई हटाएपछि यातायात संचालनमा आएको गौमुल गाउँपालिका उपाध्यक्ष सीता थापाले बताएकी छन् ।
मार्तडीको बाहुली खोलाको वहाबले जिल्ला सदरमुकाम मार्तडी सम्म भने यातायात संञ्चालनमा आउन सकेको छैन् । बाहुली खोलाको बहाव घटेपछि सदरमुकाम मार्तडी सम्म सवारी साधान संञ्चालन हुने गाउँपालिका उपा–अध्यक्ष थापाले बताईन् ।
सडक अवरुद्ध भएपछि खाद्यन्नको लागि ४ घण्टाको पैदल दुरी हिँडेर सदरमुकाम मार्तडी आउनु पर्थाे अव सडक सुचारु भएपछि आफुलाई केही राहत भएको स्थानीय प्रेम सार्कीको भनाई रहेको छ ।
फेसबुक प्रतिक्रियाहरु