परीक्षाफलअनुसार प्रदेश ३ मा १.६ देखि ४ जीपीए ल्याउने विद्यार्थीको प्रतिशत सबैभन्दा बढी छ । कुल एक लाख ३३ हजार विद्यार्थीमध्ये ९५.३९ प्रतिशतले उक्त समूहको जीपीए प्राप्त गरेका छन् । प्रदेश २ मा उक्त समूहको जीपीए ल्याउने विद्यार्थीको संख्या ७७ प्रतिशत मात्र छ । उक्त प्रदेशबाट ६४ हजार ८ सय विद्यार्थीले परीक्षा दिएका थिए । परीक्षाअगावै प्रश्नपत्र बाहिरिएर परीक्षा स्थगित भएको थियो । यो प्रदेशको साक्षरता प्रतिशत पनि कमजोर छ ।