नागरिक रैबार/बाजुरा ३० असोज। बाजुराको खप्तड छेडेदह गाउँपालिका वडा नम्वर ७ का वडा अध्यक्ष खगेन्द्र रावत धनगढीबाट पक्राउ परेका छन् ।
धनगढी उप–महानगरपालिकाको वडा नम्वर ३ स्थित तारा चन्दको घरबाट वडा अध्यक्ष रावतलाई जुवा खेलिरहेको अवस्थामा प्रहरीले पक्राउ गरेको हो ।

प्रहरीले जुवाको खालबाट ८८ हजार नगद सहित धनगढी उप–महानगरपालिका वडा नम्वर ४ का ४३ बर्षिय हरिसिंह बोहरा, सोही ठाउँका ३७ बर्षीय गणेश बहादुर साउद, ४२ बर्षीय तारा चन्द, वडा नम्वर ५ का ३३ बर्षीय प्रकास भाट र कन्चनपुर कृष्णपुर नगरपालिका ८ बस्ने ४८ बर्षीय गिरीराज पाण्डेयलाई पक्राउ गरेको जनाएको छ । उनीहरु विरुद्ध जुवा ऐन अनुसार कारवाही हुने प्रहरीले जनाएको छ ।

वडा अध्यक्ष सँगै नेपाल आयल निगम धनगढीका उपप्रवन्धक नरवहादुर ऐर र अन्य एक जना खाद्यको कर्मचारी रहेको प्रहरी श्रोतले जनाएको छ ।

विज्ञापन