अछाम । साँफेबगरमा जिल्ला स्तरीय महिला खुल्ला भलिवल प्रतियोगिताको आयोजना गरिने भएको छ । समविकास नेपालको आयोजना र जिल्ला स्थित विभिन्न सरोकारवाला निकायको सह–आयोजनामा महिला खेलाडीको पहिचाहन गरि महिला सशक्तिकरणमा टेवा पुर्याउने उद्देश्यले प्रतियोगिताको आयोजना गरिने आयोजकले जनाएको छ ।
महिला हिँसा विरुद्धको १६ दिने अभियान २०७६ को अवसरमा मंसिर १७ गते देखि १९ गते सम्म प्रतियोगिताको आयोजना गरिने सम विकास नेपालका अध्यक्ष पशुपती कुँवरले जानकारी दिइन् ।
प्रतियोगितामा प्रथम हुने टीमले एक लाख पाँच हजार, द्धितिय हुने टीमले ७५ हजार, तृतिय हुने टीमले ५० हजार र चौथो हुने टीमले २५ हजार हात पार्ने आयोजकले जनाएको छ । प्रतियोगितालाई सफल पार्न अछामका १० ओटै स्थानीय तहले सहयोग गर्ने सम विकास नेपालका अध्यक्ष कुँवरले जानकारी दिइन् ।
फेसबुक प्रतिक्रियाहरु