विकट जिल्ला दैलेखको कूसापानीमा जन्मेर स्वास्थ्य र शिक्षा क्षेत्रमा एक पृथक परिचयको रुपमा स्थापित बन्न सफल डा. रमेश कुमार आचार्य नेपालको एक सामाजिक अभियन्ता र आधुनिक स्वास्थ्य विज्ञानको अनुसन्धानकर्ता हुन ।
नेपालको पच्चीस प्रतिशत जनताहरु हालसम्म पनि प्रत्यक्ष स्वास्थ्य शिविर र उपचारबाट वञ्चित छन् । उनीहरुको स्वास्थ्यमा पहुँच पु¥याउने उद्देश्यले नेपालका विकट पहाडी, तराई र हिमाली जिल्लाहरुमा निःशुल्क स्वास्थ्य शिविर, स्वास्थ्य र विद्यालय स्वास्थ्य शिक्षा कार्यक्रम, स्कुल बालबालिका स्वास्थ्य शिविर कार्यक्रम, गरिब र पिछडीएका जनताको निःशुल्क स्वास्थ्य उपचार कार्यक्रमका महान अभियानमा क्रियाशिल एक व्यक्ति हुन आचार्य । नेपालको पूर्वको झापाबाट त कहिले पश्चिमको नेपालगञ्जबाट स्वास्थ्य शिविर चलाउँछन, विगत छोटो समयमा नै निःशुल्क औषधी वितरण, स्वास्थ्य शिविर, विद्यालय बालबालिका शिविर, पिछडीएका दलित बालबालिका, लक्षित कार्यक्रम, मार्फत नेपालमा एक पृथक परिचित नाम हो डा. रमेश आचार्यको ।
विज्ञापन
उनले नेपाली समाजमा स्वास्थ्य शिविर प्रशिक्षण र अनुसन्धानमूलक कार्यक्रम मार्फत केही न केही भएपनि योगदान गरेको मान्नु पर्छ । लाखौं जनता स्वास्थ्य उपचारबाट वञ्चित र परिस्कृत हुँदै मृत्यु भईरहेको अवस्थामा आफ्नो एक परिचय कायम राख्दै स्वास्थ्य उपचारबाट वञ्चित गरिब, निमुखा, पिछडीएका जनताको स्वास्थ्य उपचारको लागि लागी पर्नेहरु थोरै छन् । सायद यही थोरै भित्र डा.आचार्य पनि पर्छन होला ।
डक्टर्स इन्टरनेशनलको स्थापना गरी विगत ८ वर्ष देखि सयौं डक्टर्सहरुलाई सक्रिय सदस्यता दिई विभिन्न दुर्गम जिल्लाहरुमा पिछडीएका औषधि उपचारबाट वञ्चित विरामीहरुको उपचारको लागि औषधी व्यवस्थापन गरी देश दौडाहमा पुग्ने अगुवा हुन डा. आचार्य । सत्यतालाई आचार्यले खासगरी सामुदायिक स्वास्थ्य कार्यक्रम मार्फत योगदान पु¥याएका छन् । भोलेन्टियर डक्टर्सहरुको संस्था स्थापना गर्ने नेपालको पहिलो व्यक्ति हुन डा. आचार्य । पैसा भन्दा ठूलो सम्पत्ति गरिबका लागि स्वास्थ्य कार्यक्रम मार्फत योगदान दिइरहेका आचार्य नेपाल सरकारको एक मात्र विज्ञान र प्रविधिको अनुसन्धान गर्ने नेपाल विज्ञान तथा प्रविधि प्रज्ञा प्रतिष्ठानको विज्ञान र प्रविधि वैज्ञानिक कमिटीका सदस्य हुन ।
नास्ट मार्फत विभिन्न रोगहरुको प्रविधिको अनुसन्धानमा क्रियाशिल आचार्य दुर्गम प्रदेश भनेर चिनिने कर्णाली प्रदेश अन्तर्गतको मध्यपश्चिम विश्वविद्यालय सुर्खेतमा मेडिकल कलेज खोल्ने महान अभियानमा लागेका छन् । मध्यपश्चिम विश्वविद्यालय र चीनको च्यूच्याङ विश्वविद्यालयसंग चार अरब नेपाली पैसा डोनेसनमा बनाउने गरी निवर्तमान प्रधानमन्त्री पुष्पकमल दाहालको लिखित निर्देशनमा निवर्तमान शिक्षामन्त्री धनीराम पौडेल र विश्वविद्यालयका उपकूलपति प्रा.डा.उपेन्द्र कुमार कोइरालाले संयुक्त रुपमा एम.व.यू. मा २०१६ मा साइन गरी मेडिकल कलेज स्थापनाको लागि कृयाशिल छन् ।
उनकै महत्वकांक्षी योजनाबाट विदेशी सहयोगमा सुर्खेतमा मेडिकल कलेजको ःइग् गराएका हुन । डा. आचार्य ती व्यक्ति हुन जुन त्रिभुवन विश्वविद्यालय र मध्यपश्चिम विश्वविद्यालयमा कन्फूसिएस इन्स्टीच्यूट स्थापनाको एम.व.यू. गराएर सि.आई. कार्यक्रम संचालनको लागि कृयाशिल छन् ।
आचार्य सामुदायिक स्वास्थ्य कार्यक्रम, अन्वेक्षण र अनुसन्धानमा केही न केही नयाँ गर्ने अग्रपंक्तीमा पर्दछन । सामुदायिक स्वास्थ्य कार्यक्रममा डा. विपिन गौतम, प्रोफेसर विदुर वस्ती, प्रोफेसर डा. मधुसुदन शर्मा, प्रोफेसर डा. जीवराज पोख्रेल, डा. उदय लामिछाने, प्रोफेसर डा. तिर्थराज खनिया, डा. रन्जना शर्मा, प्रोफेसर मुनिराम क्षेत्री, डा. सुखबहादुर गुरुङ्ग का साथै मंगल विश्वकर्मा सामाजिक अभियान्ताका रुपमा परिचितका साथै डम्बर रावल स्वास्थ्य अभियान्तालाई समेटेरै अगाडि बढेकाले पनि उनले गरेको काम पुष्टी हुन्छ ।
फेसबुक प्रतिक्रियाहरु