काठमाडौं : बंगालको खाडीबाट आएको जलवाष्पयुक्त हावाको प्रभावले देशभर केही दिन पानी पर्ने जल तथा मौसम विज्ञान विभाग पूर्वानुमान महाशाखाले जनाएको छ। विभागको मौसम पूर्वानुमान महाशाखाको शनिबार बिहान ६ बजे निकालेको बुलेटिनमा मनसुनको न्यून चापिय रेखा औसत स्थान आसपास छ। उत्तर ओडीशा र पश्चिम बंगाल आसपास न्युन चापिय प्रणाली रहेको छ।
मनसुनको न्यून चापिय रेखाको साविक स्थान भन्नाले भारतको उत्तरी राजस्थान, हरयाना, दिल्ली, दक्षिण उत्तर प्रदेश, दक्षिण बिहार, झारखण्ड र पश्चिम बंगाल हुँदै बंगालको खाडीको शिरसम्म जनाउँछ।
मनसुनकै समय भएकाले वर्षा निरन्तर नभई केही समय घाम लाग्ने केही समय आंशिकदेखि सामान्य बदली भई वर्षा हुने क्रम जारी रहने मौसमविद्को भनाइ छ । यसको प्रभावले तीन दिन देशभर वर्षा हुनेछ ।
विज्ञापन
शनिबार बिहान देशका पश्चिमी र पुर्वी भुभागका केही स्थानमा मध्यम वर्षा भईरहेको छ। दिउँसो देशभरी सामान्य बदली भई पुर्वी, मध्य र पश्चिमका केही स्थानमा मेघ गर्जन/चट्टयाङसहित मध्यम वर्षा हुनेछ। राति मध्य र पुर्वी भेगका एक-दुई स्थानमा भारी वर्षाको सम्भावना रहेको विभागले जनाएको छ।
आइतबार देशका विभिन्न भूभागमा मध्यम वर्षा हुने सम्भावना रहेको छ। सोमबार देशका केही स्थानमा भारी वर्षाको सम्भावना रहेको छ।
फेसबुक प्रतिक्रियाहरु