नागरिक रैबार/बाजुरा १३ माघ । बाजुराको जगन्नाथ गाउँपालिकामा ट्रक दुर्घटना भएको छ । कर्णाली करिडोर अन्तरगत जगन्नाथको  २ नुनेपानी भन्ने ठाउँमा ट्रक दुर्घटना भएको हो । आइतवार बिहान नेपालगञ्जबाट ईटा, सरीया, सिमेन्ट लगायतका सामान बोकेर हुम्ला जादैँ गरेको ट्रक दुर्घटनामा परेको हो ।

विपरीत दिशाबाट आइरहेको जीपलाई साइड दिने क्रममा भे १ ख २४४५ नम्मरको ट्रक एक्कासी ब्रेकफेल भएर सडकमै पल्टिएको जिल्ला प्रहरी कार्यालय बाजुराले जनाएको छ । प्रहरीका अनुसार ट्रक चालक र सह–चालकलाई सकुसल उद्धार गरिएको छ । सडकमै ट्रक पल्टिएपछि अहिले सो सडकखण्ड अवरोध भएको छ । अहिले प्रहरी चौकी जुड्डीबाट प्रहरीको टोली खटिएको र अवरोध सडक खुलाउन पहल भइरहेको जनाएको छ ।

विज्ञापन