नागरिक रैबार/बाजुरा ९ फागुन। बाजुरामा नेकपा एमाले निकट राष्ट्रिय युवा संघ नेपाल र अनेरास्ववीयु विच मैत्रीपूर्ण खेल संचालन हुने भएको छ ।

राष्ट्रिय युवा संघ नेपाल केन्द्रिय कमिटीको आयोजनामा फागुन ११ देखि १९ गतेसम्म काठमाण्डौंमा संचालन हुने प्रधानमन्त्री केपी ओली कप च्याम्पियनसिप फुटबल प्रतियोगिता तेस्रो संस्करणको प्रचारप्रसारका लागि बाजुरामामा राष्ट्रिय युवा संघ नेपाल जिल्ला कमिटी र अनेरास्ववियु विच मैत्रीपूर्ण खेल संचालन गरिने राष्ट्रिय युवा नेपाल जिल्ला कमिटीका प्रचारप्रसार बिभाग प्रमुख करन भण्डारीले जानकारी दिएका छन् ।

उनले दिएको जानकारी अनुसार खेल मैत्रीपूर्ण खेल भोलि १० गते दिउसो ३ बजे मार्तडीको क्रिएटर जोन एकेडेमीको मैदानमा आयोजना गरिने भएको छ ।