नागरिक रैबार/बाजुरा ७ फागुन। नेकपा एमाले बाजुराले एमाले बाजुराले  ७५ औं राष्ट्रिय प्रजातन्त्र दिवस मनाएकाे छ ।

२००७ साल फागुन ७ गते प्रजातन्त्र बहाली भएको दिनको सम्झनामा बुधवार मार्तडीस्थित पार्टी कार्यालयमा आयाेजित कार्यक्रममा मुलुकमा प्रजातन्त्र स्थापनाका लागि भएका विभिन्न सङ्घर्षमा  जीवन उत्सर्ग गर्ने ज्ञातअज्ञात सहिदप्रति श्रद्धाञ्जली अर्पण गरेर दिवस मनाएकाे हाे ।

२००७ साल फागुन ७ गते प्रजातन्त्र बहाली भएको दिनको सम्झनामा हरेक वर्ष प्रजातन्त्र दिवस मनाउने गरिन्छ।

१०४ वर्षे लामो जहानियाँ राणा शासनको अन्त्य भई प्रजातन्त्रको प्रादूर्भाव भएको गौरवपूर्ण र अविस्मरणीय दिनका रूपमा २००७ फागुन ७ गतेलाई लिने गरिएको छ ।

नेकपा एमाले बाजुराका अध्यक्ष लालबहादुर ओलीकाे अध्यक्षतामा मनाईएकाे दिवसकाे प्रमुख अतिथि स्थायी कमिटी सदस्य कर्णबहादुर थापा रहेका थिए । त्यस्तै कार्यक्रममा विशिष्ट अतिथि केन्द्रीय सदस्य तथा बाजुरा जिल्ला ईन्चार्ज लालबहादुर थापा, पूर्व संविधानसभा सदस्य बसुन्धरा राेकाया रहेकी थिईन् ।

एमाले बाजुराका सचिव काँशीबहादुर विकले संचालन गरेेकाे कार्यक्रममा जिल्ला समन्वय समितिका प्रमुख तुलसीराम राेकाया, बडीमालिका नगरपालिकाका प्रमुख अमरबहादुर खड्का लगायत पार्टीका अन्य नेता काार्ययकर्रताहरूकाे सहभागिता रहेकाे थियाे ।