नागरिक रैबार/बाजुरा ४ फागुन। बाजुराको सदरमुकाम मार्तडी जोड्ने साँफे-मार्तडी राजमार्गको अम्कोटमा बसको ठक्करबाट आमाछोरा घाइते भएका छन् ।

आइतबार विहान धनगढीबाट बाजुरा सदरमुकाम मार्तडी आउँदै गरेको बसले ठक्कर दिदा  बुढीगंगा नगरपालिका-१ अम्कोटकी ५० वर्षीया विस्ना पाध्याय र उनका आठ वर्षीय छोरा नयन पाध्याय घाइते भएकाे जिल्ला प्रहरी कार्यालय बाजुराका प्रहरी नायव उपरिक्षक दिलिप कुमार गिरीले बताएका छन् ।

आमा छाेरालाई ठक्कर दिने सुदूरपश्चिम प्रदेश ०१–००१ ख ३६८८ नम्बरको बससहित चलक उपेन्द्र मडैलाई प्रहरीले नियन्त्रणमा लिएको छ ।

विज्ञापन

बसको ठक्करबाट घाइते भएकी पाध्याय र उहाँका छोरालाई उपचारका लागि जिल्ला अस्पताल बाजुरामा ल्याइएको प्रहरी नायव उपरिक्षक गिरीले बताएका छन् ।

बसको ठक्करबाट घाइते भएकी पाध्यायको अवस्था सामान्य रहेपनि बालकको भने अवस्था गम्भीर रहेको प्रहरीले जनाएको छ । अहिले सो घटनाबारे थप अनुसन्धान गरिरहेको प्रहरीले बताएको छ ।