समृद्धिकाे आधार तय गर्न बुढीगंगामा विकास कचहरी हुने
बाजुरा बिशेष
समृद्धिकाे आधार तय गर्न बुढीगंगामा विकास कचहरी हुने
नागरिक रैबार
मङ्लबार, बैशाख २३, २०८२
अ
अ
अ
नागरिक रैबार/बाजुरा २३ बैशाख। जिल्लाको बुढीगंगा नगरपालिकाले विकास र संवृद्धिको लागि विकास कचहरी कार्यक्रमको आयोजना गर्ने भएको छ ।
जिल्लामा उपलव्ध सबै राजनीतिक दल र सरोकारवालाहरूलाई एकै ठाउँमा ल्याएर बुढीगंगाको विकास र संवृद्धिको आधार तय गर्ने गरि बुढीगंगा विकास कचहरी” आयोजना गर्न लागिएको नगरप्रमुख रामबहादुर बानियाँले बताएका छन् ।
आगामी २७ गतेदेखि २९ गतेसम्म बुढीगंगा नगरपालिकाको कार्यालयमा उक्त कार्यक्रमको आयोजना गर्न लागिएको नगर प्रमुख बानियाँले जानकारी दिए ।
विज्ञापन
जिल्लाको विकास निर्माणका लागि जिल्लाको सबै राजनीतिक दल र जनप्रतिनिधि एक ठाउँमा ल्याउने कार्यक्रमको प्रमुख उदेश्य रहेको छ ।
स्वास्थ्य, शिक्षा, कृषि, पर्यटन र सुरक्षित पूर्वाधारको सम्भावना सम्वन्धि उक्त कार्यक्रममा छलफल गरिने भएको छ । अबको २० वर्षमा बुढीगंगा नगरपालिका कस्तो बनाउने भन्ने मुख्य उद्देश्य र सङ्कल्पसहित उक्त कार्यक्रम आयोजना गर्न लागिएको नगरपालिकाले जनाएको छ ।
विकास कचहरी कार्यक्रममा बुद्धिजीवी, समाजसेवी, राजनीतिक दल, सरकारी तथा गैरसरकारी सङ्घसंस्थाका प्रतिनिधि, पत्रकार र विषयगत क्षेत्रका विज्ञद्वारा अवधारणा पत्र बनाएर सोही अवधारण पत्रका आधारमा संवाद छलफल र बहस गरिने छ ।
स्थानीय तहमा रहेको विकास सम्बन्धी समस्या, आवश्यकता र प्राथमिकतालाई पहिचान गरेर यथार्थमा आधारित समाधानहरू लगायत विषयमा छलफल बहस तथा संवाद गर्ने तयारी छ ।
सबै राजनीतिक दललाई विकास र संवृद्धिको विषयमा एक ठाउँमा ल्याउन कार्यक्रमले ठुलो भूमिका खेल्ने अपेक्षा गरिएको छ ।
फेसबुक प्रतिक्रियाहरु