नागरिक रैबार/बाजुरा २२ पुस । सरकारले सार्वजनिक यातायातको भाडादर वृद्धि गरेको छ । यातायात व्यवस्था विभागले सोमबार सार्वजनिक यातायातका यात्रुवाहक तथा मालवाहक सवारी साधनको भाडादर ३ प्रतिशतसम्मले वृद्धि गरेको जानकारी दिइएको छ ।

यातायात व्यवस्था विभागका अनुसार यात्रुवाहक सवारीमा ३.३० प्रतिशत वृद्धि गरिएको छ । त्यस्तै पहाडी बाटोमा सञ्चालन हुने मालवाहक सवारीमा ०.८१ प्रतिशत र तराईको बाटोमा सञ्चालन हुने मालवाहक सवारी ०.०५ प्रतिशतले मूल्य वृद्धि गरेको जनाएको छ ।

बाजुराबाट संघीय राजधानी काठमाडौंसम्मको सडकको दूरी ९ सय ४४ किलोमिटर छ । वृद्धि भएको भाडादर अनुसार बाजुराबाट काठमाण्डौं बसमा यात्रा गर्ने यात्रुले अब ४ हजार ५ सय १० रुपैयाँ भाडा तिर्नुपर्ने भएको छ ।

विज्ञापन

यस अघि बाजुराबाट काठमाण्डौ एसि गाडीमा प्रति यात्रुले ४ हजार ३ सय ५० रुपैयाँ तिर्दै आएका थिए । सरकारले कायम गरेको नयाँ भाडादर पुस २२ गते सोमबारदेखि नै लागू हुने जनाइएको छ ।