नागरिक रैबार/बाजुरा १३ कार्तिक।नेकपा एमाले जिल्ला कमिटी बाजुराले स्वामीकार्तिक खापर गाउँपालिकाको उपाध्यक्षमा सुलोचना भण्डारी (बुढा) लाई उम्मेदवार बनाउने भएको छ ।

एमाले बाजुराको सोमबार बसेको सचिवालयको प्रथम बैठकले स्वामीकार्तिकको उपाध्यक्षमा भण्डारीलाई उम्मेदवार बनाउने गरि पार्टीको प्रदेश कमिटीलाई सिफारिस गरेको पार्टीका प्रचार प्रसार विभाग प्रमुख राजन कुमार रोकायाले बताएका छन् ।

भण्डारी २०७९ सालमा भएको स्थानीय तहको निर्वाचनमा काँग्रेसकी मैना जोशीसंग उपाध्यक्ष पदमा पराजित बनेकी थिईन । उपाध्यक्ष जोशीको ४ माघ २०८० मा निधन भएको थियो ।

विज्ञापन

एमालेले २०७९ मा उपाध्यक्षमा पराजित बनेकी भण्डारीलाई पुनः उपाध्यक्ष पदको उम्मेदवार सर्वसम्मत गर्ने निर्णय गरेको हो । जोशीको निधनपछि रिक्त रहेको स्वामीकार्तिकको उपाध्यक्ष पदका लागि मंसिर १६ गते उपनिर्वाचिन हुँदैछ ।