नागरिक रैबार/बाजुरा १३ साउन । बाजुराको सदरमुकाम मार्तडी बजारका व्यापारी पुष्प खड्काको निधन भएको छ । डोटी जिल्ला सिलगढी नगरपालिका घर भई मार्तडीको दुनिहाटबजारमा विगत १२ वर्षदेखि व्यापार व्यवसाय गर्दै आएका खड्काको शनिबार राति उपचारका क्रममा जिल्ला अस्पताल डोटीमा निधन भएको हो ।
लामो समय देखि प्रेसरका कारण नियमित औषधि सेवन गर्दै आएका खड्कालाई शनिबार राति जिल्ला अस्पताल बाजुरामा उपचारका लागि लगिएको थियो । जिल्ला अस्पतालमा उनको उपचार हुन् नसकेपछि धनगढी रिफर गरिएको थियो । खड्कालाई बाजुराबाट उपचारका लागि धनगढी लिदै गर्दा डोटी जिल्ला अस्पतालमा निधन भएको बुझिएको छ ।
१२ वर्षदेखि मार्तडीको दुनिहाटबजारमा वर्षा जनरल स्टोर पसल संचालन गर्दै आएका खड्का बजार भरिकै सफल व्यवसायीका रुपमा परिचित रहेका थिए । उनको असामयिक निधनपछि परिवार, शुभचिन्तकहरुले विभिन्न माद्यम मार्फत गहिरो दुख व्यक्त गरेका छन् ।
फेसबुक प्रतिक्रियाहरु