नागरिक रैबार। बाजुराको गौमुल गाउँपालिका-६ सटेडाबाट भरूवा बन्दुकसहित ३ जनालाई प्रहरीले पक्राउ गरेको छ । मंगलवार विहान गाैमुल गाउँपालिका ६ को सटेडामा १० थान बन्दुक र बन्दुकको नाल ३३ थान सहित ३ जनालाई पक्राउ गरिएको जिल्ला प्रहरी कार्यालय बाजुराले जनाएको छ ।

प्रहरीका अनुसार गाैमुल -६ का ६३ वर्षीय गोरे लुहारको घरमा भरुवा बन्दुकको कारोबार भइरहेको छ भन्ने गोप्य सूचनाका आधारमा इलाका प्रहरी कार्यालय गाैमुलबाट प्रहरी नायव निरिक्षक कमलसिंह भण्डारीको नेतृत्वमा खटिएको प्रहरीको टोलिले लुहारको घरमा खानतलास गर्दा लुहारसहित बडीमालिका नगरपालिका-१ सल्लेनाका ३९ वर्षीय गोरख कार्की र ३७ वर्षीय बुद्ध कार्की लाइ पक्राउ गरिएको हो ।

गोरे लुहारको घरमा तलासी गर्दा लुकाई छिपाई राखेका उक्त बन्दुक फेला पारी गोरे तथा बन्दुक खरिद गर्न आएका बडीमालिका १ का २ जना गोरख र बुद्धलाई समेत पक्राउ गरेको जिल्ला प्रहरी कार्यालय बाजुराले जनाएकाे छ । यस सम्बन्धमा प्रहरीले आवश्यक अनुसन्धान गरिरहेको  जनाएकाे छ  ।

विज्ञापन