बडीमालिका ९ का नवनिर्वाचित जनप्रतिनिधिले गरे पदभार ग्रहण
समाचार
बडीमालिका ९ का नवनिर्वाचित जनप्रतिनिधिले गरे पदभार ग्रहण
नागरिक रैबार
सोमवार, जेष्ठ ९, २०७९
अ
अ
अ
नागरिक रैबार/बाजुरा ९ जेठ।बैशाख ३० गते सम्पन्न भएको स्थानीय तहको निर्वाचनबाट बडीमालिका नगरपालिका वडा नं. ९ को वडा अध्यक्षमा निर्वाचित भएका सूर्यकिरण विकले आजबाट वडा अध्यक्षको पदभार ग्रहण गरेका छन् ।
वडा कार्यालयले आज वडामा एक औपचारिक कार्यक्रम गर्दै नवनिर्वाचित वडा समितिलाई स्वागत र यस अघिको वडा समितिलाई विदाई गरेको छ ।
भ्रखरै सम्पन्न भएको स्थानीय तहको निर्वाचनमा बडीमालिका ९ मा नेकपा एमालेबाट वडा अध्यक्षमा सुर्यकिरण विक, सदस्य गोरख विष्ट, सुर्जा थापा, सौरे लवार र दलित महिला सदस्यमा झुपा सनाइ गरी पाँच जना निर्वाचित भएका थिए ।
विज्ञापन
पदभार ग्रहण गर्दै वडा अध्यक्ष लगायतको नवनिर्वाचित वडा समितिले वडाको समग्र विकासमा विशेष ध्यान दिने बताएका छन् । सुन्दर र विकसित वडा बनाउन बनाउन विशेष पहल गर्ने समेत उनीहरुले प्रतिवद्धता व्यक्त गरेका छन् ।
फेसबुक प्रतिक्रियाहरु