नागरिक रैबार
बाजुरा ६ साउन
सहास नेपाल बाजुराले बडीमालिका ८ र ९ का ५० जना कृषकलाई खानेपानी फिल्टर वितरण गरेकाे छ ।
सहास नेपाल बाजुराद्वारा संचालन भएकाे लिफ्ट परियाेजनाले बडीमालिका ९ मा रहेकाे हातेमालाे कृषक समूह बाउलीका ३६ र रतुडाका १४ गरि ५० जना कृषकलाई खानेपानी फिल्टर वितरण गरिएकाे सहास नेपाल लिफ्ट परियाेजनाका दिपक धामीले बताएका छन् ।
उनका अनुसार ५० जना मध्ये ८ जनालाई थाेपा सिचाई ट्याँक्की र प्लास्टिक घर समेत वितरण गरिएको हाे ।
सहास नेपालकाे कार्यालयमा आज एक कार्यक्रमका विच उक्त सामाग्रीहरू बडीमालिका ९ का वडा अध्यक्ष सुर्यकिरण विकले कृषकलाई हस्तान्तरण गरेका थिए ।
सामाग्री वितरण कार्यक्रममा बडिमालिका ९ का वडा अध्यक्ष सुर्यकिरण विक, सहास नेपालका समावेशी तथा गुणस्तरीय शिक्षा कार्यक्रमका परियाेजना अधिकृत रामबहादुर खत्री, हातेमालाे कृषक समूह बाउलीका अध्यक्ष अम्मर विश्वकर्मा लगायत अन्य कृषकहरूकाे सहभागिता रहेकाे थियाे ।