नागरिक रैबार/बाजुरा २९ बैशाख। कैलालीको अत्तरियाबाट बाजुरा आउँदै गरेको बस डोटीमा दुर्घटना भएको छ। बिहीबार विहान डोटीको पूर्वीचौकी गाउँपालिका-४ सानागाउँमा सुपप्र ०१ ००१ ख ३१०८ नम्बरको बस दुर्घटना भएको प्रहरीले बताएको छ।
जिल्ला प्रहरी कार्यालय डोटीका अनुसार दुर्घटनामा बसमा सवार ३० जना घाइते भएका छन्। उनीहरुमध्ये सामान्य घाइते भएकाहरुको स्थानीय क्लिनिकमा र अन्यलाई जिल्ला अस्पताल डोटी लगिँदै गरेको प्रहरीले जनाएको छ। बस सडक बाट करिब ३० देखी ४० मिटर तल खसेकाे छ । घटनाबारे थप अनुसन्धान भैरहेकाे जनाएकाे छ ।
फेसबुक प्रतिक्रियाहरु