नागरिक रैबार/बाजुरा २० चैत्र। बाजुराको जगन्नाथ गाउँपालिका वडा नम्बर ६ का स्थानीयहरु मतदान केन्द्रको माग गदै सदरमुकाम मार्तडीमा विरोध प्रर्दशन गरेको छ ।
निर्वाचन आयोगले एक वडा एक मतदान केन्द्रको व्यवस्था गरिने भनेको भएपनि बाजुराको जगन्नाथ गाउँपालिकाको ६ नम्बर वडामा मतदान केन्द्र कायम नभएको भन्दै उनीहरु सदरमुकाम मार्तडीमा आएर विरोधमा प्रर्दशनमा उत्रिएका हुन् ।
बिरोध कार्यक्रममा एक वडा एक मतदान केन्द्र कायम गर, जनताको मागलाई सम्बोधन गर,लगाएतका नाराहरु लगाउदै विरोध गरेका थिए । यस भन्दा पहिलेको चुनावमा गाउँपालिका -५ र ६ को मतदान केन्द्र एउटै भएको हुदाँ स्थानीयलाई मतदान गर्न असहज वातावरण भएकोले मतादान केन्द्र छुट्याउन माग गरेको स्थानीय रामलाल विष्टले बताएका छन् ।
विज्ञापन
गाउँपालिकाका दुई वटै वडाले वडामा फरक फरक ठाउँमा मतदान केन्द्रको माग गरेरको सिफारिससहित जिल्ला प्रशासन कार्यालय बाजुरा र निर्वाचन कार्यालय बाजुरामा ज्ञापन पत्र समेत बझाएका छन् ।
जगन्नाथ गाउँपालिका ६ र ५ को भौगोलिक दुरी धेरै टाढा परेको र त्यसैमा मतदान केन्द्रमा पुग्न मात्रै ४ घण्टा पैदल दुरी हिड्नु पर्ने बाध्यता भएको उनीहरुले बताएका छन् ।
यता निर्वाचन कार्यालय बाजुराका प्रमुख निर्वाचन अधिकृतले भने अर्को चुनावमा मात्र यो सम्भव भएको यो चुनावमा मतदान केन्द्र छुट्याउन नसकिने बताएका छन् ।
त्यस्तै प्रमुख जिल्ला अधिकारी उपेन्द्रराज पौडेलले भने आफु यो मागका लागि सकरात्मक पक्ष रहेको र आफुले यो मागको लागि निर्वाचन आयोगसँग कुरा राख्ने बताएका छन् ।
फेसबुक प्रतिक्रियाहरु