राजेन्द्र बिक/ बाजुरा १४असार । जिल्लाको बडिमालिका नगरपालिका वडा नम्बर ५मना मा आर्थिक बर्ष २०७७/२०७८मा वडामा संचालित योजना तथा कार्यक्रमहरुको बार्षिक समिक्षा कार्यक्रम सम्पन्न भएको छ।

बडिमालिका नगरपालिका ५नम्बर वडा कार्यालयको आयोजनामा संचालन भएको कार्यक्रमको अध्यक्षता वडा अध्यक्ष बलबहादुर थापाले गर्नु भएको थियो भने कार्यक्रममा वडा बाट निर्बाचित वडा सदस्यहरु,पार्टी प्रतिनिधिहरु ,उपभोक्ता समितिका सम्पुर्ण पदाधिकारी सहित स्थानिय करिब ९०जनाको उपस्थिति रहेको वडा सचिब बिजय कुमार शाहिले बताएका छन्।

आर्थिक बर्ष २०७७/२०७८मा वडा कार्यलय बाट आर्थिक बर्ष २०७७/७८ को लागि रु. ३३ लाख बराबरका ८ वटा योजनाहरु बिनियोजन गरिएको र नगरपालिका तथा प्रदेश सरकार बाट बिनियोजित १ करोड ५० लाख बराबरका ८ वटा योजनाहरु बिनियोजन भएका थिए ।

विज्ञापन

योजनाहरुको कार्य विवरण सहित लागत खर्चको विवरण उपभोक्ता समितिका अध्यक्षहरुले पेश गरि त्यसमाथी समिक्षा सहित आम समुदाय र उपभोक्ता बिच अन्तरक्रियात्मक रुपमा छलफल भएको वडा अध्यक्ष बलबहादुर थापाले बताउनु भएको छ।

योजनाको आर्थिक पार्दशितालाइ जनता सामु प्रष्ट पार्न नगरपालिकाले आर्थिक बर्षको अन्त्यमा समिक्षा कार्यक्रम गर्ने नितिगत ब्यबस्था अनुसारनै समिक्षा कार्यक्रम भएको अध्यक्ष थापाको भनाइ रहेको छ।

योजनाहरु सम्पन्न हुने चरणमा सम्पुर्ण योजनाहरु समयमानै सम्पन्न भएको र २ वटा योजनाहरु ढिलो गरिसम्झौता हुदा काम भैरहेका समिक्षा कार्यक्रममा वडा सचीब बिजय कुमार शाहिले जानकारी गराउनु भएको छ ।