६ वैशाख, काठमाडौं । स्पानिस ला लिगा फुटबलमा रियल मड्रिड र गेटाफेले बराबरी खेल्दै अंक बाँडेका छन् । आइतबार राति भएको खेलमा रियल गेटाफेसँग गोलरहित बराबरीमा रोकिएको हो ।

गेटाफेको मैदानमा भएको खेलमा अवसर सदुपयोग गर्न नसक्दा रियल बराबरीमा रोकिएको हो । रियल बराबरीमा रोकियो । शीर्ष स्थानको एट्लेटिको मड्रिड र तेस्रो स्थानको बार्सिलोनालाई फाइदा पुगेको छ ।

विज्ञापन

दोस्रो स्थानको रियलको ३१ खेलमा ६७ अंक छ । समान खेलबाट ७० अंकसहित एट्लेटिको शीर्ष स्थानमा छ । एक खेल कम खेलेको बार्सिलोना ६५ अंकसहित तेस्रो स्थानमा छ ।

गेटाफे ३१ अंक जोडेर १५ औं स्थानमा रहेको छ । ला लिगा कै अर्को खेलमा भियारियलले लेभान्टेलाई ५-१ ले हराएको छ ।