नेपाल तरूण दलका महामन्त्री भूपेन्द्रजंग शाहीलाई हृदयघात भएको छ। शाहीको काठमाडौं महाराजगंजस्थित मनमोहन कार्डियो भास्कुलर एण्ड ट्रान्सप्लान्ट सेन्टरमा उपचार भइरहेको छ।

‘उहाँलाई हिजो बेलुकी नै अस्पताल लगिएको हो। राति करिब १२ बजेतिर अपरेशन गरिएको हो’ पारिवारिक स्रोतलाई उद्धृत गर्दै कांग्रेस नेता मनोजमणि आचार्यले सेतोपाटीसँग भने।आइतबार बेलुकी ९ बजेतिर स्वास्थ्यमा समस्या आएपछि शाहीलाई अस्पताल लगिएको थियो।

‘अपरेशनपछि आज बिहान ३ बजे उहाँलाई वार्डमा सारिएको छ,’ उनले भने, ‘चिकित्सकहरूले उहाँको स्वास्थ्य अवस्था सामान्य रहेको र उहाँ खतरामुक्त रहेको जानकारी दिनुभएको छ।’ शाही पछिल्लो समय कर्णालीका विभिन्न जिल्लामा कांग्रेसको संगठन विस्तारका काममा सक्रिय थिए।

विज्ञापन