नागरिक रैबार/बाजुरा २५ माघ। बाजुराको सदरमुकाम मार्तडीमा रहेको मार्तडी साना किसान सहकारी संस्था लिमिटेडको अव आफ्नै भवन निर्माण गरिने भएको छ ।

वि.सं. २०७२ साल साउन १७ गते स्थापना भएको सहकारी स्थापनाको सुरुवात देखि नै भाडामा कार्यालय संचालन गरिदै आएको थियो । सहकारीको भवन निर्माणका लागि आईतबार बडीमालिका नगरपालिकाकी उपप्रमुख कविता विष्टले सिलान्यास गर्नुभएको थियो ।

सुदूरपश्चिम प्रदेश सरकार भुमि व्यवस्था तथा सहकारी विकास मन्त्रालयको १० लाखको आर्थिक सहयोगमा सहकारीको भवन निर्माण हुन लागेको सहकारीकि व्यवस्थापक दुर्गा थापाले बताएकि छन् ।

विज्ञापन

मार्तडीमा बन्न लागेको उक्त सहकारीको २ कोठे १ तलाको भवन बडीमािलका नगरपालिका वडा नं. ८ को थापाबाडा नजिकै निर्माण गर्न लागिएको सहकारीका अध्यक्ष सिता बराल थापाले बताउनु भएको छ ।

सिलान्यास कार्यक्रममा बडीमालिका नगरपालिकाकी उपप्रमुख कविता विष्ट, सहकारीकी अध्यक्ष सिता बराल थापा, व्यवस्थापक दुर्गा थापा, लेखा समिति संयोजक विन्द्रा रावल तथा अन्य सेयर सदस्यहरुको उपस्थिति रहेको थियो ।