काठमाडौँ — नेकपा ओली समूहका कार्यकर्ताले आइतबार जिल्ला पार्टी कार्यालयमा ताला लगाएका छन् । दाहाल–नेपाल समूहले एकतर्फी रुपमा गुट भेला गरी कार्यालय दुरुपयोग गरेकाे भन्दै उनीहरुले ताला लगाएका हुन् ।
‘टुटफुटका गतिविधिहरुमा पार्टी कार्यालय प्रयोग हुन थालेपछि तालाबन्दी गरेका हौं,’ अनेरास्ववियू बझाङका संयोजक प्रविन्द्र धामीले भने, ‘पार्टीको विवाद निर्वाचन आयोगमा पुगेको र कुन पार्टी आधिकारिक हो भन्ने फैसला नआएको सर्न्दभमा कुनै एक पक्षबाट कार्यालयको दुरुपयोग हुन नदिन यसो गरेका हौं ।’ उनले पार्टीको आधिकारिकता सम्बन्धी विवादको अन्तिम टुंगो नलागेसम्म ताला नखोलिने बताए ।
सोमबार जिल्ला कमिटीको बैठकका लागि दाहाल–नेपाल समूहका केन्द्रीय नेताहरु आउने थाहा पाएपछि तालाबन्दी गरिएको नेकपा ओली समूहकाे भनाइ छ ।
नेकपाका कार्यालय सचिव सुरतबहादुर सिंहले भने, ‘माथि जेसुकै भए पनि जिल्लामा छलफल गरेर एकैतिर लाग्ने वातावरण बनाउने सोचेका थियौं । केही साथीहरुले ताला लगाइदिएछन् ।’
दाहाल–नेपाल पक्षका जिल्लाका सचिव दमन भण्डारीले पार्टी कार्यालयमा ताला लगाए पनि सोमबारकाे बैठक नरोकिने बताए ।
फेसबुक प्रतिक्रियाहरु